Suedezët të mahnitur nga atmosfera në Prishtinë, duan fitore ndaj Kosovës: Na duhet fitorja

15:47 | 8 Shtator 2025
D.H

Kosova sonte luan ndeshjen e dytë në kuadër të kualifikimeve për Kupën e Botës ndaj Suedisë.

Ndeshja luhet në stadiumin “Fadil Vokrri” në Prishtinë me fillim nga ora 20:45, shkruan Arbresh.info.

Kryeqyteti tashmë është mbushur me tifozë suedez të cilët kanë “pushtuar” kafenetë e Prishtinës.

Arbresh.info ka intervistuar disa nga ta, ku të gjithë ishin të mahnitur nga atmosfera në kryeqytet.

“Atmosfera është e shkëlqyer, e duam Prishtinën, qyteti i vogël por i bukur ne po e shijojmë. Ne shpresojmë për një fitore, na duhet një fitore”, u shpreh njëri nga tifozët suedez.

“Do të jetë një ndeshje e jashtëzakonshme. Nuk ka rëndësi kush fiton është me rëndësi, le të jetë një atmsoferë e mirë që do ta mbajmë në mend”, tha njëri tifoz tjetër.

“Është shumë mirë, është një qytet shumë i shoqërueshëm”, deklaroi një tjetër./Arbresh.info