Struga bie edhe në takimin e dytë ndaj Slovan Bratislava-s, ndeshje e raundit të parë kualifikues të Champions League, duke mbyllur rrugëtimin në këtë kompeticion.

Skuadra shqiptare kampione në kampionatin e Maqedonisë së Veriut u mund në shtëpi me rezultatin 1-2, ndërsa ndeshja e parë mes tyre kishte përfunduar me fitoren 4-2 të skuadrën sllovake.

Ndeshja e zhvilluar në “SRC Biljanini Izvori” në Ohër u zhbllokua në minutën e 9’ me Weiss që kaloi Slovan Bratislava-n në avantazh, teksa autogoli i Ristevski-t dyfishoi avantazhin e miqve në minutën e 34’.

Struga provoi të reagojë, por shënoi vetëm një gol në minutën e 85’ me Compaore, megjithatë në fund u eliminua nga Champions League.

Tashmë ekipi i Strugës do ta vazhdojë rrugëtimin në Conference League, ku do të përballet me armenët e Pyunik.