Kompeticioni i dytë më i rëndësishëm në nivel klubesh, Europa League nis sonte ku pritet të luhet nëntë ndeshje që janë në program.

Edhe këtë edicion ndeshjet e Ligës së Evropës do të luhen në dy orare, me ndeshjet e para që fillojnë nga ora 18:45 dhe të dytat nga ora 21:00.

Ndeshjet më interesante të ditës së sotme llogariten të jenë ato mes Dinamo Zagreb-Fenerbahce, Braga-Feyenoord dhe Real Betis-Nottingham Forest.

Në takimet tjera të ditës së sotme, Roma luan në udhëtim te Nice, Malmo pret Ludogorets, Freiburg është nikoqir i Baselit, Celticu luan në udhëtim te Crvena Zvezda, PAOK-u e pret Maccabi Tel Avivin dhe Midtjylland ndaj Sturm Graz.

Kampion në fuqi i Europa Leagues është Tottenhami, i cili mposhti në finale edicionin e kaluar Manchester Unitedin./Arbresh.info

🚨 WE ARE BACK THIS WEEK 🚨#UEL pic.twitter.com/ETTRWN67EL

— UEFA Europa League (@EuropaLeague) September 22, 2025