Sigal Prishtina rikthehet tek fitorja pas dy humbjeve në elitën e basketbollit kosovar

18:53 | 3 Dhjetor 2023
D.H

Sigal Prishtina është rikthyer tek fitorja, duke mposhtur Istogun me rezultat të thellë, 117:63, në javën e 11-të në kuadër të Superligës së Kosovës në Basketboll.

Vendasit që dominuan nga fillimi deri në fund, për të shënuar fitore të sigurt, duke mos e rrezikuar asnjëherë dhe triumfuan në fund 117:63, që ishte më e larta për kryeqytetasit në këtë edicion, përcjell Arbresh.info.

Te Prishtina të gjithë basketbollistët që luajtën shënuan, ndërsa më të dalluarit ishin Fisnik Rugova me 21 pikë e 13 kërcime dhe Dardan Berisha me 21 pikë e 11 asistime.

Kurse te Istogu, 12 pikë shënoi Tyres Prince, kurse nga 11 shtuan Kahlon Witeley dhe Arian Azemi.

Prishtinasit kanë gjashtë fitore e pesë humbje, kurse istogasit një fitore e dhjetë humbje./Arbresh.info/