Derbi më i madh në futbollin kosovar mes Prishtinës dhe Dritës nuk do të zhvillohet në orarin e paraparë.

Dy skuadrat e mëdha kosovare ishte e paraparë të zhvillojnë duelin në kuadër të xhiros së tretë në stadiumin ‘Fadil Vokrri’, por ky duel është shtyrë.

Deri te shtyrja e takimit ka ardhur pasi ditën e enjte kampioni në fuqi i Kosovës, FC Ballkani do të luaj ndeshjen e ‘Play-Off’-it ndaj Shkupit.

Ka qenë skuadra kryeqytetase Prishtina që ka lajmëruar se ndeshja me Dritën është shtyrë.

Njoftimi i plotë nga FC Prishtina:

Komisioni i Garave në Federatën e Futbollit të Kosovës ka vendosur që ndeshja e paraparë që të zhvillohet në enjten më 25 gusht në mes FC Prishtinës dhe FC Dritës të shtyhet.

Një vendim i tillë ka ardhur për faktin se të njëjtën datë do të zhvillohet sfida Ballkani – Shkupi në kuadër të Ligës së Konferencës në stadiumin “Fadil Vokrri” ku Prishtina i zhvillon ndeshjet si vendas.

Dueli FC Prishtina – FC Drita i takon xhiros së tretë të ALBI MALL Superligës së Kosovës në futboll.

Për datën e re të zhvillimit të këtij takimi do të njoftoheni më kohë pasi që të vendos Komisioni i Garave.