Shqipëria e Serbia organizojnë Evropianin 2027

14:59 | 4 Shkurt 2025
E.K

Shqipëria dhe Serbia do ta organizojnë Kampionatin Evropian të vitit 2027 për futbollistët deri në 21 vjet.

Kështu njoftojnë shumë medie serbe, ndërkohë pritet që kjo të konfirmohet edhe nga UEFA.

Kandidatura e përbashkët e Shqipërisë dhe Serbisë ishte e vetmja, për mbajtjen e këtij kampionati për futbollistët deri në 21 vjet.

Kujtojmë se dy federatat si ajo shqiptare dhe ajo serbe u bashkuan në maj të vitit të kaluar për të planifikuar organizimin e turneut.

Udhëheqësi i Federatës Shqiptare të Futbollit, Armand Duka, i cili është nënkryetar i UEFA-s, i tha Associated Press në maj të vitit të kaluar tha se “është një projekt 100 për qind futbollistik” me “një mesazh shumë të mirë politik që mund ta përçojmë”./rtk