Jose Mourinho është bërë temë kryesore në mediat botërore pas dy humbjeve radhazi në kampionatin anglez.

Portugezi është në rrezik që të shkarkohet nga pozita e trajnerit të Manchester United, nisur nga forma tejet e dobët e skuadrës.

Një statistikë interesante na shtyn të besojmë edhe më shumë se “The special one” do të shkarkohet.

Sezoni i tretë ka qenë fatal për Mourinhon në vitet e fundit, sipas kësaj statistike:

Me Chelsean në sezonin e tretë përfundoi në pozitën e dytë dhe u shkarkua në shtator.

Me Real Madridin, nuk fitoi asnjë trofe në sezonin e tretë dhe u largua për tu rikthyer në Chelsea.

Me Chelsean përsëri mbeti në pozitën e 16 për tu shkarkuar pas vetëm 16 ndeshjeve.

Tashmë me United në sezonin e tretë ka startin më të dobët në histori të skuadrës dhe e ardhmja mbetet të shihet.

Raportimet e fundit kanë bërë të ditur se bordi i United i ka dhënë besimin që të vazhdojë sezonin.