Sevilla i uron fat trajnerit Unai Emery në Arsenal

15:50 | 23 Maj 2018
Arbresh Info

Sevilla ka reaguar në rrjete sociale duke i uruar fat ish trajnerit të tyre Unai Emery për rolin e tij të ri si trajner i Arsenalit.

Klubi spanjoll, të cilin Emery e drejtoi ndërmjet viteve 2013 dhe 2016, e ka uruar atë përmes një postimi në rrjetin social Twitter, transmeton portali arbresh.info.

“Ne do donim t’i urojmë fat të mirë ish trajnerit tonë Unai Emery në aventurën e tij me Arsenalin”, ka shkruar klubi në La Liga.

“Shpresojmë se do të shihemi në Evropa Ligë sezonin e ardhshëm”

Emery, i cili është konfirmuar sot (e mërkurë) si një pasardhës i Arsene Wengerit në Arsenal, ka fituar tri herë Evropa Ligën gjatë kohës së tij te Sevilla./arbresh.info/

https://twitter.com/SevillaFC_ENG/status/999230639059677184