Borussia Dortmund tha se sulmuesi Jadon Sancho është kthyer në stërvitje përpara ndeshjes çerekfinale të Ligës së Kampionëve të mërkurën kundër Manchester City-t, pasi ishte jashtë për më shumë se një muaj për shkak të një dëmtimi të muskujve.

Sancho nuk ka luajtur për ekipin e Bundesligës që nga fitorja e tyre në çerekfinalen e Kupës së Gjermanisë ndaj Borussia Moenchengladbach në 2 Mars.

21-vjeçari nuk mundi të jetë pjesë e lojës në humbjen 2-1 nga City në ndeshjen e parë javën e kaluar dhe ishte gjithashtu i padisponueshëm për kualifikueset e Anglisë në Kupën e Botës 2022 kundër San Marinos, Shqipërisë dhe Polonisë, gjatë pushimit ndërkombëtar, raporton “Reuters”.

“Jadon Sancho u kthye në stërvitje për të përfunduar një sesion individual këtë mëngjes,” shkroi Dortmund në rrjetin social “Twitter”.

Sancho, një produkt i akademisë së City, refuzoi një kontratë të re në klubin e Premier League kur ishte 17 vjeç për t’u bashkuar me Dortmund në 2017. Ai ka gjashtë gola dhe nëntë asistime në Bundesligë këtë sezon./arbresh.info/