Rusia tashmë  zyrtarisht është  e përjashtuar nga Kupa e Botës “Qatar 2022”.

Gjykata e Arbitrazhit Sportiv, (CAS) ka bërë të ditur se Federata e Futbollit të Rusisë zyrtarisht ka tërhequr  ankesën e tyre  në drejtim të shtëpisë më së madhe të futbollit, FIFA, poashtu edhe shoqatave të futbollit të Polonisë Suedisë dhe Republikës Çeke.

FIFA dhe organi qeverisës evropian UEFA vendosën së bashku që të gjitha ekipet ruse, qofshin ato kombëtare apo klube, do të pezullohen nga pjesëmarrja në kompeticionet e tyre deri në një njoftim të mëtejshëm pas pushtimit të Ukrainës nga Rusia.

Gjykata e Arbitrazhit Sportiv ka thënë se procedura doemos do të ndërpritet së shpejti.

Rusia e cila tashmë është duke kryer vrasje masive në  Ukrainë, ka paraqitur poashtu ankesa të ndryshme, ku ka kërkuar heqjen e ndalimeve nga gjimnastika ndërkombëtare.

Disa shoqata kombëtare të futbollit njoftuan se nuk do të luajnë kundër Rusisë në vazhdën e pushtimit të saj në Ukrainë, duke përfshirë ato të Polonisë, Suedisë dhe Republikës Çeke.

CAS kishte mbështetur gjithashtu ndalimin e UEFA-s për skuadrat ruse që merrnin pjesë në garat e saj për kohëzgjatjen e procedurave të saj. / arbresh.info/