Joao Cancelo ishte një nga lojtarët më të mirë në fushë në fitoren e djeshme të Barcelonës 5-1 ndaj Sevilla, ku anësori portugez fitoi dy penallti dhe shënoi një gol.

I huazuar te Barcelona gjatë merkatos së janarit nga Al-Hilal, Cancelo i ka bindur të gjithë me paraqitjet e tij të deritanishme në këtë rikthim te katalanasit dhe mbi të gjitha ka fituar besimin e Hansi Flick.

“Diario Sport” zbulon se Cancelo nuk dëshiron të largohet nga Barcelona. Ai është nën kontratë me Al-Hilal deri në qershor të vitit 2027, por portugezi është i bindur se dëshiron të transferohet përfundimisht te katalanasit.

Për ta bërë më të lehtë këtë lëvizje, ai është i gatshëm të pranojë një ulje të ndjeshme të rrogës që merr te Al-Hilal.

Duke qenë se është në vitin e fundit të kontratës me klubin arab, kosto e transferimit përfundimtar të portugezit llogaritet 12-15 milionë euro.