Futbollisti i kombëtares së Kosovës, Donat Rrudhani ka shkëlqyer në fitoren e Luzernit me rezultat 3-4 ndaj Winterthur.

Ai ka shënuar gol në këtë ndeshje teksa ka dhuruar edhe asistim vendimtar në shënimin e fitores në minutat shtesë, shkruan Arbresh.info.

Falë kësaj performance ai është vlerësuar me notën 9.4 nga SofaScore dhe gjithashtu ka zënë vend në formacionin e javës të përpiluar nga ky aplikacion i specializuar për vlerësimin e lojtarëve.

Rudhani ka pesë gola dhe tri asistime këtë sezon deri më tani në këtë kompeticion.

Përkundër humbjes së Baselit nga Grasshoppers 0-1, Xherdan Shaqiri pati një performancë të shkëlqyer dhe u vlerësua me notën 8.4.

Gjithashtu edhe për “Shaqën” pati vend në formacionin ideal të javës së 18-të nga SofaScore.

Shaqiri deri më tani ka pesë gola e tetë asistime në Superligën e Zvicrës./Arbresh.info