Futbollisti i Liverpoolit dhe i kombëtares së Portugalisë, Diogo Jota ka ndërruar jetë në një aksident trafiku.

Ai ishte në veturë së bashku me vëllain e tij, Andre Silva, i cili po ashtu ka ndërruar jetë, pasi vetura mori flakë, shkruan Arbresh.info.

Menjëherë pas marrjes së lajmit, një postim prekës për të e ka bërë edhe Cristiano Ronaldo.

Përmes një postimi në llogarinë e tij në Facebook, CR7 i shprehi ngushëllime familjes së Jotas.

“Nuk ka kuptim. Vetëm pak kohë më parë ishim bashkë me Kombëtaren, sapo ishe martuar. Familjes tënde, bashkëshortes dhe fëmijëve të tu, u dërgoj ngushëllimet e mia më të thella dhe u uroj gjithë forcën e botës. E di që do të jesh gjithmonë pranë tyre. U prehshi në paqe, Diogo dhe André. Të gjithë do të na mungoni pafundësisht”, ka shkruar Ronaldo.

Jota ndërroi jetë në moshën 28-vjeçare, dhe para disa ditësh ishte martuar. Ai la prapa vetës tre fëmijë.

Ndërsa vëllai i tij u nda nga jeta në moshën 25-vjeçare /Arbresh.info