Roma dhe Atalanta kanë luajtur baras 1-1 në kuadër të javës së 19-të të Serie A.

Fillimi i ndeshjes ishte shumë i fuqishëm, me Atalatan që gjeti golin e epërsisë.

Aleksey Miranchuk asistoi te Teun Koopmeiners, i cili shënoi për 1-0 në minutën e nëntë të ndeshjes.

Roma rrezikoi me Romelu Lukakun dhe Edoard Boven, por asnjëri nuk ishte i saktë.

Në minutën e 36-të, Roma fitoi penallti, vetëm pasi rasti u rishikua në VAR.

Paulo Dybala ishte i saktë për 1-1, duke e mbyllur pjesën e parë me këtë rezultat.

Pjesa e dytë ishte po ashtu me raste, ku Gianluca Scamacca shënoi, por goli u anulua për pozitë jashtë loje.

Në anën tjetër Paulo Dybala dhe Romelu Lukaku rrezikuan, por pa sukses.

Roma mbetet e teta me 29 pikë, ndërsa Atalanta është e gjashta me 30 pikë. /Telegrafi/