Ish-mbrojtësi i Manchester United, Marcos Rojo, është “ndaluar” të përdorë emrin e plotë në fanellën e tij te klubi i ri, për shkak të një kuptimi të fshehur që ka mbiemri i tij në kontekstin e rivalitetit futbollistik.

Tradicionalisht, në fanellat e tij Rojo ka përdorur emrin e plotë “Marcos Rojo”. Por në fanellën e tij të Racing Club, emri shfaqet vetëm si “Marcos R”, ndërsa mbiemri “Rojo” mungon tërësisht.

Arsyeja? Është rivaliteti i ashpër mes Racing Club dhe Independiente, dy klube që ndajnë të njëjtin qytet.

Independiente, kundërshtarët historikë të Racingut, njihen me nofkën “Rojo” (të kuqtë).

Për këtë arsye, klubi nuk ka lejuar që një lojtar i tyre të mbajë këtë fjalë, edhe pse është mbiemri i tij  në fanellë.

Pas një aventure disa vjeçare me Boca Juniors, Rojo ka bërë një tjetër hap në karrierë duke firmosur me Racing Club, klub me seli në Avellaneda, me një kontratë njëvjeçare.