Pas humbjes ndaj Celta Vigos, që e ka lënë Real Madridin katër pikë prapa Barcelonës, vetëm një muaj pasi madrilenët kishin pesë pikë epërsi – drejtuesit e klubit u mblodhën në një takim urgjent për të analizuar krizën që ka goditur ekipin në pesë javët e fundit.

Kriza, tashmë e plotë, është bërë e dukshme, me Barcelonën që ka përmbysur situatën në kampionat dhe po jep sinjale shumë më të mira në lojë se sa Reali.

Pjesa më e rëndësishme e mbledhjes ishte e përqendruar te situata e ndërlikuar sportive e ekipit, i cili ka vetëm tre fitore në shtatë ndeshjet e fundit. Diskutimet u fokusuan te Xabi Alonso dhe marrëdhënia e tij me një pjesë të rëndësishme të dhomës së zhveshjes. Mungesa e harmonisë mes trajnerit bask dhe disa prej lojtarëve kyç, e cila u bë e dukshme në situata si zëvendësimi i Viniciusit në “El Clásico”, po i shqetëson seriozisht drejtuesit e klubit.

Në klub e kanë caktuar ndeshjen e së mërkurës kundër Manchester Cityt si datën e fundit për reagimin e ekipit dhe të trajnerit. Shumë gjëra do të varen nga rezultati dhe sidomos nga imazhi që do të japë skuadra në atë takim — duke filluar nga e ardhmja e vetë Xabi Alonso, raporton Marca.

Si zakonisht, trajneri mbetet hallka më e dobët në momentet e krizës, edhe pse nga analizat e brendshme nuk kanë dalë të paprekur as disa futbollistë të rëndësishëm të skuadrës.

Real Madridi e nisi sezonin mirë nën drejtimin e Alonsos, por gjithçka nisi të bëhej më keq pas “El Clasiscos”, kur Vinicius Junior u zëvndësua nga loja. Protestat dhe zemërimi i tij bëri që gjithçka të ndërroj në ambientet madrilene për shumë pak kohë./Arbresh.info