Në ndeshjen mes Watfordit dhe Southamptonit është vendosur një rekord i ri.

Dy skuadrat angleze janë takuar këtë mbrëmje (e martë) në stadiumin Vicarage Road në kuadër të xhiros së 31-të në Premierë Ligë, shkruan portali arbresh.info.

Mirëpo, ndeshja ka nisur me një intensitet të jashtëzakonshëm dhe shifrat janë zhbllokuar ende pa u bërë një minutë lojë.

Shane Longu i skuadrës së Southamptonit rrëmbeu topin pranë zonës së rreptësisë pas një gabimi trashanik nga kundërshtari duke e dërguar atë bukur në rrjetë. Sulmuesi realizoi për 0 me 1 dhe goli i tij do të mbahet mend në histori të Premierë Ligës.

https://streamable.com/1i6cj

Atij i mjaftuan 7.69 sekonda duke vendosur kështu rekord të ri në Premierë Ligë për golin më të shpejtë në histori të kampionatit anglez.

Ledley King, i cili e mbante këtë që nga 9 dhjetori i vitit 2000 me golin e shënuar kundër Bradfordit, ishte i pranishëm në stadiumin e ri të Tottenhamin për të shikuar ndeshjen e sotme kundër Brightonit dhe më poshtë mund të shikoni reagimin e tij kur njëri nga kolegët e njofton se rekordi i tij është thyer./arbresh.info/