Real Madridi tenton sërish transferimin e talentit Nicolo Zaniolo

12:13 | 12 Janar 2019
Arbresh Info

Real Madridi ka bërë një përpjekje tjetër për të nënshkruar me talentin e ri të AS Romas, Nicola Zaniola.

Gazeta spanjolle ‘Sport’ thotë se performancat e tij së fundmi kanë alarmuar një numër të madh klubesh evropiane, përfshirë edhe ‘Los Blancos’, transmeton portali arbresh.info.

Kampioni i Evropës është i interesuar për të siguruar shërbimet e Zaniolos, por drejtori i AS Romas – Monchi tashmë ka reaguar me shpejtësi duke e blinduar në skuadër yllin e tij të ri.

Sa i përket anës së Real Madridit, Zaniolo është një tjetër shembull i përpjekjeve të tyre për të sjellë brenda në skuadër lojtarët më të talentuar në mbarë botën.

I fundit ishte Brahim Diazi, ndonëse ata së fundmi kanë nënshkruar edhe me Vinicius Jr dhe Rodrygon./arbresh.info/