Ad Banner
Ad Banner
Ad Banner
Ad Banner

Real Madridi iu bën thirrje tifozëve ta mbushin stadiumin për Hazardin

20:46 | 12 Qershor 2019
A. B.

Eden Hazard është blerja e parë galaktike e Real Madridit që prej James Rodriguezit më 2014, prandaj klubi nga kryeqyteti spanjoll dëshiron ta festojë ardhjen e belgut me një aheng në Santiago Bernabeu.

Belgu do të prezantohet zyrtarisht si lojtar i Madridit të enjten në mbrëmje dhe klubi iu ka bërë thirrje anëtarëve dhe tifozëve të vet ta mbushin stadiumin për këtë ngjarje që nis në orën 19:00, transmeton Gazeta Express.

“Ejani në prezantimin e Hazardit!” është mesazhi i Real Madridit drejtuar tifozëve.

Reali dëshiron ta joshë një numër të madh tifozësh në stadium ngjashëm si në prezantimin e Cristiano Ronaldos më 2009.

Edhe pse Hazardi pritet ta bartë fanellën me numrin 7 në Real Madrid, klubi besohet se do ta prezantojë belgun me një fanellë pa numër për shkak të respektit për Marianon, zotëruesin aktual të numrit 7.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm