Drejtori sportiv i PSG-së ka hedhur poshtë pretendimet se këmba yllit brazilian nuk është shëruar plotësisht.

Neymar vazhdon të jetë në qendër të vëmendjes dhe mes negociatave për transferim te Real Madridi ose Barcelona, gjendja e tij fizike dhe problemi me lëndim është duke u diskutuar shumë, transmeton portali arbresh.info.

Sot (e enjte), gazeta franceze Le Parisien publikoi një artikull ku deklaroi se Neymar nuk është rikuperuar plotësisht nga lëndimi i marrë në ashtin e pestë të këmbës së thyer të cilin e lëndoi edhe sezonin e kaluar.

Megjithatë, Leonardo, drejtori sportiv i skuadrës franceze, në një intervistë për RMC Sports ka thënë se këto raporte nuk ishin të sakte dhe se Neymar është rikuperuar plotësisht nga lëndimi.

“Është e thjeshtë. Stafi mjekësor dhe kirurgët më të mirë në botë kanë qenë duke vëzhguar Neymarin që nga fillimi i sezonit. Thyerja e ashtit të pestë është shëruar. Lëndimi i Neymarit është rregulluar plotësisht”, ka thënë Leonardo.

I pyetur rreth të ardhmes së sulmuesit, Leonardo theksoi se PSG ka zhvilluar bisedime me klube të tjera “siç e dinë të gjithë, por nuk ka pasur zhvillime”./arbresh.info/