Kosova luan dy sfida të rëndësishme në muajin mars ndaj Islandës në play-offin për kualifikim në Ligën B të Kombeve.

Fillimisht me 20 mars, “Dardanët” janë nikoqir të Islandës në Prishtinë, teksa pas tre ditës në Spanjë dy kombëtaret udhëtojnë për ndeshjet e kthimit, shkruan Arbresh.info.

Një mungesë e madhe për këto dy takime shumë të rëndësishme do të jetë ajo e Edon Zhegrovës.

Sic ka raportuar gazetari i njohur nga Kosova, Arlind Sadiku, Zhegrova nuk do të jetë gati për këto sfida shkaku i lëndimit të tij.

Futbollisti dardan është dëmtuar në sfidën ndaj Marseille me 16 dhjetor të vitit të kaluar dhe që nga ajo kohë ende nuk është rikuperuar plotësisht.

25-vjeçari pritet të rikthehet në fushë pas ndeshjeve të kombëtareve, saktësisht në fund të muajit mars ose fillimin e prillit./Arbresh.info