Ishte vetëm 13-vjeçar, kur Kledi Makolli kishte filluar të merrej seriozisht me sportin e notit, e tani mbanë dy rekorde shtetërore të Kosovës.

Fjala është për 16 vjeçarin, Kledi Makolli.

Kledi një djalë i ri nga Prishtina, i dashuruar në sportin e notit, vitin e kaluar kishte përfaqësuar shtetin e Kosovës në garat ballkanike, të cilat u zhvilluan në Shkup të Maqedonisë së Veriut.

Së bashku me ekipin e tij, kishin arritur të fitojnë medaljen e artë, raporton Arbresh.info.

Makolli së bashku me grupin, aktualisht mbajnë dy rekorde shtetërore në kategorinë e moshës së tyre, në disiplinën ku përfshihen katër garues, 4 herë 50 metra stil i lirë dhe 4 herë 50 metra Mdeley.

Makolli, na tregon se cilat do të jenë garat e ardhshme ku ai dhe ekipi i tij do të marrin pjesë si dhe sa janë të gatshëm të jenë triumfues në ato gara.

Ëndrra e çdo sportisti, padyshim është që të arrijnë normën olimpike, andaj edhe ëndrra e Kledit është që të mbërrijë këtë normë dhe të jetë një përfaqësues i ndjenë i shtetit të Kosovës në Lojërat e mëdha Olimpike.

Djaloshi nga Prishtina inspirimin e tij e gjen tek notarët botërorë, andaj na tregon se cilët janë ata notarë, të cilët e motivojnë që të vazhdojë të merret me sportin e notit.

Noti nuk është vetëm një sport për Kledin. Qetësinë e tij, ai e gjen pikërisht nën ujë, duke na treguar se gjithmonë kur është orari për ushtrimet, ai vazhdon drejt pishinës me kënaqësinë dhe vullnetin më të madh. /Arbresh.info/Kasim Gërbeshi/