Paris Saint Germain ka vazhduar rekordin e 100 për qind ndaj FC Metz duke e mposhtur edhe mbrëmjen e sotme (e premte).

Kampioni i Francës ishte fitues i shtatë takimeve të mëparshme me skuadrën e promovuar këtë sezon në Liga 1 dhe ka arritur t’i mposhtë ata edhe në takimin si mysafirë në kuadër të xhiros së katërt sonte, shkruan portali arbresh.info.

Skuadra e Thomas Tuchel shënoi fitore me rezultat 2 me 0 në Stade Saint Symphorien duke u larguar me tri pikë të plota.

Angel Di Maria realizoi golin e epërsisë nga pika e bardhë derisa po zhvillohej minuta e 11′ para se Eric Maxim Choupo Moting të shënonte për 0 me 2 me kokë në sekondat e fundit të pjesës së parë.

Ndeshja ishte ndërprerë për disa minuta si pasojë e disa mesazheve homofobike të shfaqura nga ana e tifozëve nikoqirë me anë të banerëve në tribuna duke shënuar kështu herën e dytë brenda 48 orëve që një ndeshje në Liga 1 ndërpritet për arsye të njëjta.

Kjo ishte fitorja e tretë këtë edicion e PSG-së që tani sh ka marrë kreun me nëntë pikë, aq sa Stade Rennais./arbresh.info/