Probleme të madhe tek Reali, dy portierët e parë nuk janë gati për ndeshjen me Valencian

18:00 | 3 Prill 2025
D.H

Real Madridi është përballur me lëndime të shumta këtë sezon.

Një i tillë është konfirmuar edhe sot. Portieri i dyti Andriy Lunin ka pësuar një lëndim i cili do ta mbaj jashtë fushave për disa kohë, shkruan Arbresh.info.

Ky është një lajm shumë i keq për klubin madrilen që luan një ndeshje shumë të rëndësishme këtë fundjavë ndaj Valencias.

Duke marrë parasysh edhe dëmtimin e Courtois, madrilenët janë në halle në portë.

Belgu po përgatitet të kthehet nga lëndimi dhe të jetë i gatshëm në ndeshjen e parë çerekfinale të Ligës së Kampionëve, ndaj Arsenalit, dhe klubi nuk dëshiron të rrezikoj.

E titullar në ndeshjen e La Ligas kundër Valencias, në portën e Realit pritet të luaj 19-vjeçari Fran Gonzalez.

Ai është portieri i tretë i ”Los Blancos” derisa duket në formë pasi ka luajtur 16 ndeshje për Real Madrid Castilla.