Sigal Prishtina ka pësuar disfatën e parë në ENBL, pasi u mposht nga Dinamo Zagrebi në ‘Pallatinë e Rinisë dhe Sporteve’.

Prishtina pati epërsinë gjatë gjithë ndeshjes madje edhe të thellë në disa momente, mirëpo kroatët u rikthyen në çerekun e katërt dhe fituan 82-80, shkruan Arbresh.info.

Pas tri periudhave rezultati ishte 69-56, por bardhekaltërve u iku fitorja nga duart.

Më i dalluari në fitoren e Dinamos ishte Hunt me 26 pikë, 10 asistime e pesë kërcime. Derisa lojë të mirë bëri edhe Kraljevic që shtoi 18 sosh.

Tek Prishtina më i dalluari ishte Bailey me 29 pikë e gjashtë kërcime.

Pas katër ndeshjeve, Prishtina ka tri fitore e një humbje, kurse Dinamo dy fitore në dy ndeshje.

Ndeshja e radhës për kryeqytetasit është ndaj Manchester Basketball në udhëtim./Arbresh.info