Graham Potter tashmë është lidhur me një rikthim në sol vetëm një ditë pasi u largua nga skuadra e Premierligës, Chelsea.

Potter, i cili pasoi trajnerin e Bayern Munichut, Thomas Tuchel te Chelsea shtatorin e kaluar, udhëhoqi Blutë në humbjen 2-0 në shtëpi ndaj Aston Villa të shtunën dhe u shkarkua të dielën.

Ndihmës trajneri i Chelseat, Bruno Saltor, është emëruar trajner i përkohshëm dhe do të jetë në krye të ndeshjes së skuadrës së tij me Liverpool në Stamford Bridge të mërkurën.

Sipas Football Insider, Leicester City tashmë është i vendosur për ta rrëmbyer Potterin për postin e tyre të lirë të trajnerit pas shkarkimit të Brendan Rodgers të dielën.

Ish-trajneri i Liverpool-it, Rodgers, i cili ka qenë i lidhur me Tottenham-in, u largua nga Leicester pas humbjes 2-1 të dhelprave ndaj Crystal Palace në Selhurst Park të shtunën.

Football Insider pretendon se Potter i shkarkuar së fundmi konsiderohet tashmë një nga kandidatët kryesor për Leicester dhe do të kontaktohet nga klubi.

Leicester është i etur që trajneri 47-vjeçar të arrijë dhe të ndihmojë për t’i shpëtuar ata nga rënia në Premier League, me Dhelprat në vendin e 19-të në tabelën e ligës këtë sezon.