Përfundon sezon i rregullt në NBA, këto janë skuadrat pjesëmarrëse në ‘Play-Off’

10:59 | 11 Prill 2022
A. B.

Ka përfunduar xhiro e 82 në elitën e basketbollit amerikan NBA, xhiro që ishte e fundit për sezonin e rregullt.

Kësisoj 12 skuadra kanë siguruar tanimë plasmanin në Play Off, derisa katër të tjera një gjë të tillë po e lypin nga Play In.

Në Konferencën e Perëndimit, Phoenix Suns e ka mbyllur në vendin e parë me bilanc 64-18, derisa Memphis Grizzlies është e dyta me 56 fitore e 26 disfata.

Play Off-in e kanë siguruar edhe Golden State Warriors, Dallas Mavericks, Utah Jazz e Denver Nuggets, derisa në Play In kanë mbetur Minnesota Timberwolves, Los Angeles Clippers, New Orleans Pelicans e San Antonio Spurs.

Në Konferencën e Lindjes në pozitën e parë ka përfunduar Miami Heat me bilanc prej 53 fitoreve e 29 disfatave, derisa e dyta është Boston Celtics.

Një vend në Play Off e kanë zënë edhe Milwaukee Bucks, Philadelphia 76ers, Toronto Raptors e Chicago Bulls, derisa për dy vende të tjera në Play In luftojnë Cleveland Cavaliers, Brooklyn Nets, Atlanta Hawks e Charlotte Hornets. /Telegrafi/