Përfaqësuesja jonë arrin në Ishujt Faroe

16:31 | 13 Tetor 2018
Arbresh Info

Kombëtarja A sapo ka arritur në Ishujt Faroe, përkatësisht në qytetin Torshuan.

Pas fitores me rezultat 3 me 1 pasditen e së enjtes kundër Maltës në stadiumin “Fadil Vokrri”, Kosova synon të marrë edhe tri pikë të plota ndaj rivalit të nesërm, shkruan portali arbresh.info.

Lojtarët dhe stafi janë pritur nga një çift me fëmijë të veshur me flamurin e Kosovës para hotelit “Foroyar” ku ata janë akomoduar duke i dëshiruar mirëseardhje.

Pasdite në orën 17.30 sipas kohës lokale përzgjedhësi i Kombëtares Bernard Chalandes do të mbajë konferencë për media, ndërsa Kombëtarja në orën 18.00 do të mbajë stërvitjen e fundit para ndeshjes së nesërme.

Ndeshja ndërmjet Ishujve Faroe dhe Kosovës zhvillohet të dielën nga ora 18:00./arbresh.info/