Pasnesër do të dalin në shitje biletat për ndeshjen Suedi – Kosovë

13:06 | 15 Shtator 2021

Federata e Futbollit e Suedisë ka njoftuar se më 17 shtator do të dalin në shitje biletat për ndeshjen Suedi – Kosovë.

Më 9 tetor, Kosova do të zhvillojë ndeshjen e raundit të gjashtë kualifikues për Botërorin “Katar 2022” nga Grupi B.

“Dardanët” do të përballen me Suedinë, nga të cilët ishin mposhtur në “Fadil Vokrri” me rezultatin 0-3.

Federata e Futbollit e Suedisë përmes faqes zyrtare ka njoftuar se biletat për këtë ndeshje do të dalin në shitje pasnesër (17 shtator) nga ora 10:00.

Ndeshja mes Suedisë dhe Kosovës do të zhvillohet në “Friends Arena”.

Lajmet më të lexuara