Portieri i Manchester Unitedit, Andre Onana ishte i pakënaqur me vetën e tij në përballjen që djajtë e zhvilluan ndaj Bayern Munchenin.

Në një intervistë për media pas ndeshjes portieri kamerunas fajësoi veten për humbjen që pësoi skuadra e tij me rezultat 4-3, shkruan Arbresh.info.

“Pas gabimit tim ne humbëm kontrollin e lojës – unë jam ai që e zhgënjeu skuadrën. Ekipi ishte i mirë, ne nuk e fituam këtë lojë për shkakun tim”, ka thënë Onana.

Ai foli gjithashtu foli edhe për formën e tij momentale në skuadër.

“Fillimi im në Mançester nuk është aq i mirë. Sot është një nga ndeshjet e mia më të këqija. Ishte një mundësi e madhe për ne që të rikthehemi nga presioni me të cilin po përballemi, por është e vështirë. Duhet të jemi bashkë”, potencoi kamerunasi.

Ndërkaq trajneri i tij nuk e fajësoi portierin për humbjen që pësoi skuadra e tij.

“Është mirë që Onana po merr përgjegjësinë, por ka të bëjë me gjithë ekipin – ne rikthehemi si ekip”, ka thënë Ten Hag.

Manchester United ndeshjen e ardhshme në Champions League e luan ndaj ekipit turk Galatasaray./Arbresh.info/