Reprezentuesi spanjoll, Dani Olmo nuk ka asnjë interes për të përfunduar një transferim te Manchester City.

City thuhet se është në treg për një mesfushor të ri përpara mbylljes së afatit kalimtar veror të Premier League më 1 shtator, shkruan Arbresh.info.

Pep Guardiola po kërkon edhe një lojtar pas lëndimit të Kevin De Bruyne dhe kalimit të Ilkay Gundogan te Barcelona.

Interesi për yllin e West Ham, Lucas Paqueta është zvogëluar ditët e fundit, me Guardiola duke skanuar opsionet e tij, duke përfshirë lidhjet e përfolura me Olmon.

Megjithatë, pavarësisht zërave të mundshëm për një lëvizje në Premier League, Olmo ka këmbëngulur se ai është i fokusuar vetëm në suksesin në RB Leipzig në muajt e ardhshëm.

“Nuk ka asgjë me Manchester Cityn. Jam i fokusuar në punën time në Leipzig, në Bundesligë, UCL dhe kupë. City është një nga skuadrat më të mira në botë, Gvardiol shkoi atje, por unë jam i lumtur këtu”, sipas citimeve të Diario AS .

Olmo shënoi një hat-trick të jashtëzakonshëm në fitoren 3-0 në finalen e Superkupës së Gjermanisë kundër Bayern Munich, për të filluar sezonin 2023/24, dhe shënoi në humbjen e tyre në fillim të sezonit të Bundesligës në Bayer Leverkusen./Arbresh.info/