Nesër mbahet ceremonia shtetërore për ndarjen e shpërblimeve për xhudistet Distria Krasniqi dhe Nora Gjakovën

NORA GJAKOVA, DRITON KUKA, MAJLINDA KELMENDI

18:59 | 28 Shtator 2021
Gita

Të mërkurën ministri i Kulturës, Rinisë dhe Sportit, Hajrulla Çeku do të pres në zyrën e tij xhudistët Distria Krasniqi dhe Nora Gjakovën, bashkë me trajnerin e tyre, Driton Kuka për t’i nderuar me ndarjen e shpërblimeve shtetërore.

“Nesër (29.09.2021), në kabinetin e Ministrit të Kulturës, Rinisë dhe Sportit, Hajrulla Çeku, duke filluar prej orës 13:00, do të organizohet ceremonia e ndarjes së shpërblimeve shtetërore për xhudistet Distria Krasniqi dhe Nora Gjakova dhe për trajnerin Driton Kuka”, njofton kjo ministri, shkruan arbresh.info.

Shpërblimet shtetërore ndahen për sportistët pas rezultatit kulmor që patën në Lojërat Olimpike “Tokyo 2020”. Shpërblimet parashihen sipas rregullores për ndarjen e shpërblimeve shtetërore për sportistët që arrijnë rezultate kulminante në garat ndërkombëtare./arbresh.info/