Nesër zhvillohen ndeshjet e dyta finale të Play off-it, në Superligën A të Kosovës në volejboll.

Ndeshjet zhvillohen në të dy konkurrencat, meshkuj dhe femra.

Në konkurrencën e meshkujve ndeshja e dytë zhvillohet në Pallatin e Rinisë dhe Sporteve në Prishtinë me fillim nga ora 18:00.

Prishtina Volley si nikoqire do të mundohet ta barazoj rezultatin dhe eventualisht Kampioni të përcaktohet në ndeshjen e tretë në Ferizaj.

Ndërsa Ferizaj me fitoren e arritur në ndeshjen e parë, do të kërkoj fitoren e dytë në Prishtinë e cila i jep epitetin e Kampionit të Kosovës 2019/2020.

Pas vendimit të Ministrisë së Shëndetësisë për masat e reja rreth pandemisë Covid-19, termini i ndeshjes në konkurrencën e femrave që ishte planifikuar në orën 20:00, është zhvendosur në ora 14:00.

Skenderaj në Palestrën “Minatori”, do të pretë M Technologie e cila ka avantazhin nga fitorja e ndeshjes së pare në Prishtinë.

Ekskluzivitetin për Superligën e meshkujve do ta ketë platforma e njohur sportive Artmotion, e cila do të sjellë për adhuruesit e këtij sporti, finalen e dytë në kanalet sportive Art Sport.

Radio Televizioni i Kosovës, ka ekskluzivitetin e ndeshjeve të femrave dhe ndeshjen e dytë finale do ta transmetoj në RTK1./arbresh.info.