Superylli i Barcelonës, Lionel Messi ka deklaruar se ndihet “i lodhur dhe i rëndë” qysh pas rikthimit nga lëndimi, fjalë që sigurisht nuk do të mbushin me besim tifozët e Barcelonës para ndeshjes të skuadrës së tij sonte (e martë) ndaj Villarrealit.

“Blaugranët” luajnë në Camp Nou ndaj Villarrealit këtë mbrëmje me qëllimin për të lënë pas performancën e tmerrshme si mysafirë ndaj Granadas javën e kaluar, transmeton portali arbresh.info.

Trajneri Ernesto Valverde duket se është nën presion të madh sonte për të siguruar fitore pas një fillimi tronditës të sezonit deri tani për skuadrën e Barcelonës – andaj tri pikë do të ishin tepër të nevojshme për të kthyer formën e klubit.

Para ndeshjes dhe gjatë ndarjes së çmimeve mbrëmjen e kaluar eventin “The Best”, Messi ishte pyetur për nivelin e gjendjes së tij para ndeshjes.

Bazuar në atë që raporton Marca në lidhje me këtë temë, argjentinasi është përgjigjur duke thënë: “Kam qenë jashtë fushës për dy muaj dhe e vërej këtë. Ndihem i lodhur dhe i rëndë, në mungesë të ritmit”

Duke marrë parasysh se Messi regjistroi rikthimin nga lëndimi në ndeshjen javën e kaluar kundër Borussia Dortmundit, është e kuptueshme për të dëgjuar se nuk është në nivel të duhur./arbresh.info/