Milan ka shënuar fitore të madhe dhe me shumë mund ndaj Napolit me rezultat 2-1 në kuadër të xhiros së pestë në Serie A.

Milani e nisi takimin në mënyrën më të mundshme, duke shënuar pas vetëm tre minutash lojë me anë të Saelemaekers, pas asistimit të Pulisicit.

Pas asistimit, Pulisici shënoi në minutën e 31-të për 2-0, pas asistimit nga Fofana. Deri në fund të pjesës së parë gola nuk pati.

Pjesa e dytë nisi vrullshëm me Napolin, që sulmonte fuqishëm madje goditi edhe shtyllën.

Në minutën e 57-të, gjyqtari akordoi penallti pas një ndërhyrje të Estupinanit. Fillimisht ai u ndëshkua me karton të verdhë.

Por pas rishikimit me VAR, gjyqtari ndërroi vendim dhe i dha mbrojtësit të Milanit, kartonin e kuq duke e lënë me 10 lojtarë në fushë.

Penalltinë e fituar të Napolit, në gol e konkretizoi mesfushori Kevin de Bruyne, për ta ngushtuar epërsinë.

Deri në fund të takimit, Napoli me cdo kusht u mundua ta barazoj rezultatin, por Mike Maignan ishte në formë të lartë sonte dhe nuk lejoi të mposhtet më.

Kështu, Milani arkëtoi tre pikë të mëdha që e bëjnë lider me 12 pikë aq sa ka edhe Napoli e Roma.

Duelin e radhës, Milani e luan ndaj Juventusit në udhëtim kurse Napoli përballet me Genoan./Arbresh.info