Rafael Nadal e ka fituar Grand Slamin e 19-të në karrierë pasi e mposhti Daniil Medvedevin në finalen që zgjati për pesë orë.

Tenisti spanjoll arriti ta mposhte kundërshtarin e tij në sete, 7-5, 6-3, 5-7, 4-6 dhe 6-4, duke e fituar kështu titullin e katërt të tij në US Open.

Me këtë triumf, Nadal i është afruar Roger Federerit që aktualisht ka fituar 20 tituj të Grand Slamit.

Spanjolli ishte qysh nga fillimi në epërsi me dy sete të fituara ndaj rusit, mirëpo ky i fundit i bëri presion për ta dërguar meçin në një kohëzgjatje prej pesë orësh.

33-vjeçari u bë tenisti i dytë më i vjetër në histori të US Open që e fiton titullin, pas australianit Ken Rosewall, që e mori çmimin në moshën  35-vjeçare në vitin 1970.

5 sets.
4 #USOpen titles.
1 @RafaelNadal. pic.twitter.com/Cws3mhCYfk

— US Open Tennis (@usopen) September 9, 2019