Llapi ka arritur të shënoj fitore të rëndësishme në sfidën ndaj Dukagjinit me rezultat 2-1, në kuadër të xhiros së 20-të në Superligën e Kosovës në futboll.

Muhamet Hyseni ka qenë heroi i Llapit edhe në këtë ndeshje, shkruan Arbersh.info.

Por fillimisht Besir Iseni i Dukagjinit u ndëshkua me karton të kuq, në minutën e tetë.

Kurse Hyseni dy minuta më vonë u tregua i saktë nga penalltia për t’i dhënë Llapit epërsinë.

Teksa po i njëjti dyfishoi epërsinë në minutën e 57-të.

Dukagjini golin e nderit e shënoi në minutën e parë të kohës shtesë.

Me këtë fitore Llapi forcon pozitën e dytë dhe afrohet edhe më shumë tek lideri Ballkani, llapjanët kanë 30 pikë kurse katër më shumë kanë suharekasit.

Ndeshjen e ardhshme Llapi e zhvillon në udhëtim te Fushë Kosova, derisa Dukagjini para adhuruesve të vet pret Lirinë.