Trajneri portugez, Jose Mourinho, pas fitores ndaj Arsenalit ka ironizuar me homologun e tij tek Man City, Josep Guardiola.

Mourinho me skuadrën e tij Manchester United, këtë sezon ndaj gjigantëve anglez ka qenë superior.

Guardiola ditë më parë kishte deklaruar se fitimi i Premier League, është më i rëndësishëm se sa Champions League, por për këtë strategu portugez ka një përgjigje.

“Pep tha se Premierliga është më e rëndësishme se Championsi, për ju cili trofe është më i rëndësishëm? Mendoj se ne gjithmonë themi se trofeu që fitojmë është më i rëndësishëm. Kur e kam fituar Championsin, ka qenë trofeu më i rëndësishëm për mu. Kur e kam fituar Ligën, Liga ka qenë më e rëndësishme për mua. Dhe kur nuk fitoj asgjë, them fitoret s’janë të rëndësishme…”, u përgjigj Mourinho. /arbresh.info/