Milan – Suso, ende nuk ka marrëveshje rreth kontratës së re

11:12 | 7 Mars 2019
Arbresh Info

Milani thuhet të jetë 1 milionë euro larg për të përmbushur kërkesat e Susot për kontratë derisa çështja vazhdon të zvarritet.

Bazuar në një raport nga gazeta Corriere dello Sport, bisedimet vazhdojnë të jenë “miqësore” mes Milanit dhe Susos, por klubi është i përgatitur për t’i ofruar atij “vetëm 4 milionë euro në sezon”, transmeton portali arbresh.info.

Kjo është në kundërshtim me kërkesën e supozuar të spanjollit prej 5 milionë euro, plus bonuse, dhe gazeta e lartpërmendur shkruan se diferenca “nuk duket e thjeshtë për tu reduktuar”.

Sulmuesi ka ende edhe tri vite në kontratën e tij, por “Rossonerët” dëshirojnë të largojnë klauzolën e tij prej 38 milionë euro.

25-vjeçari vazhdon të jetë në plan të Gennaro Gattusos si një lojtar titullar, por nuk ka shënuar ose asistuar që nga muaji janar./arbresh.info/