AC Milani ka shenjëstruar një prej talentëve më të mëdhenj të Real Madridit.

Gjiganti italian thuhet se është i interesuar të nënshkruajë me Gonzalo Garcian, qendërsulmuesin e ri të Real Madrid-it, sipas raportimeve nga Spanja.

“Fichajes” raporton se kuqezinjtë dëshirojnë sulmuesin e ri në janar ose gjatë verës së ardhshme.

Klubi nga Milano, i përballur me nevojën për të forcuar sulmin, po e kërkon sulmuesin spanjoll, i cili, pavarësisht shkëlqimit në Kupën e Botës për Klube 2025, ende nuk e ka vendosur veten rregullisht në ekipin e parë të Real Madrid-it.

Interesi i Milanit për spanjollin bazohet në një huazim në janar me mundësi blerjeje në verën e 2026-ës.

Transferimi i Garcias mund të përfaqësojë një investim të rëndësishëm për Milanin. Sipas disa burimeve, ekziston një ofertë prej rreth 20 milionë eurosh nga Aston Villa, e cila e vendos nivelin e vlerësimit rreth kësaj shifre.

Megjithatë, Real Madridi, i vetëdijshëm për potencialin e tij, mund të kërkojë më shumë ose të rezervojë një opsion riblerjeje.

Milani duhet të vlerësojë kapacitetin e tij financiar dhe konkurrencën nga klubet e tjera, përfshirë West Ham United dhe Fulham, të cilët gjithashtu po e ndjekin lojtarin.