Mesut Ozil sqaron gjithçka rreth të ardhmes së tij

Mesut Ozil ka realizuar një gol brenda 10 paraqitjeve këtë edicion në Premierë Ligë

22:47 | 19 Nëntor 2017
Arbresh.info

E ardhmja e Mesut Ozil tek klubi Arsenal çdo ditë e më shumë po bëhet temë diskutimi.

Para ca kohe u përhapën thashetheme se ai do të largohet nga ‘Emirates Stadium’.Kjo për shkak se ai nuk ndihet i rëndësishëm nga Arsene Wenger, por deklarata e tij e lëshuar pas triumfit të madh ndaj Tottenhamit jep një tjetër sinjal.

Reprezentuesi gjerman shprehet jashtëzakonisht i lumtur me rolin e tij në skuadër.

“Me të vërtetë jam shumë i lumtur, shumë i gëzuar.”, u shpreh fillimisht Ozil.

“E kemi parë se sa shumë cilësi kemi në skuadër. Të luash me lojtarë si Sanchez dhe Lacazette gjithmonë përcillni frikë tek kundërshtari. Unë ashtu sikur edhe të gjithë tifozët jam shumë i lumtur tek ky skuadër.”, u shpreh 29 vjeçari Ozil.