Ylli i Manchester United, Paul Pogba ka shprehur admirimin e tij për superyllin e Barcelonës, Lionel Messin.

25-vjeçari i ka pasur frustruese javët e fundit te Manchester United ku e ardhmja e tij vazhdon të jetë ende në dyshime, transmeton portali arbresh.info.

Francezi është shfaqur në 19 ndeshje për “Djajtë e Kuq” këtë sezon duke shënuar tri herë dhe duke krijuar nëntë asistime gjithashtu. Në një intervistë së fundmi për ‘TYC’, Pogba ka shprehur admirimin e tij për Messin derisa thashethemet rreth një largimi nga Manchester United vazhdojnë të qarkullojnë.

“Hera e parë që kam luajtur kundër Messit ishte në finale të Ligës së Kampionëve në vitin 2015 dhe më kujtohet se mendoja që unë isha shumë i vogël”, ka thënë Pogba.

“Messi dhe futbolli janë dy gjëra që shkojnë mirë së bashku. E admirojë kur e shoh atë. Ai bënë gjëra që askush nuk mund t’i bëjë. Ai ka një shtat që askush nuk e ka, është diçka e veçantë, gjithçka që bënë është e veçantë”

“Ai është një lojtar që ka futbollin brenda, ai e ndjen futbollin. Është e jashtëzakonshme”

/arbresh.info/