Mbrojtësi i Real Madrid-it, Ferland Mendy ka pranuar se ishte frikësuar t’i bashkohet klubit nga Lyon-i.

Mendy kompletoi transferimin të gjiganti spanjoll edicionin e kaluar dhe ka shkëlqyer duke arritur të jetë në formacionin titullar, transmeton portali arbresh.info.

Francezi arriti t’ia zërë vendin Marcelo-s, derisa besimi i madh i Zinedine Zidane tek lojtari ka bërë që “Los Blancos” ta shesin Sergio Reguilon të Tottenham-i.

Mirëpo, Mendy ka zbuluar se edicion e kaluar ishte i frikësuar t’i bashkohet, ndërsa gjithashtu ka konfirmuar lidhjet e mira me Marcelo-n.

“Kur nënshkrova me Real Madrid-in isha shumë i frikësuar. Ishte vështirë të arrijë këtu, por u adaptova shpejtë dhe duket se në fund gjithçka doli mirë”.

“Nuk mendoj se kam marrë pozitën e Marcelo-s. Kemi lidhje të mirë dhe me ka dhënë këshilla të mira deri tani”, deklaroi ai.

Në dy xhirot e para të këtij edicioni, Mendy ka qenë titullar./arbresh.info.