Sulmuesi i PSG-së, Kylian Mbappe ka thënë se nuk ka rivalitet me bashkëlojtarin, Neymar Jr.

Në kohën e fundit ka pasur disa spekulime se dy lojtarët janë në rivalitet për shkak të formës së tyre të mirë, transmeton portali arbresh.info.

Mirëpo, francezi e ka refuzuar këtë mundësi duke thënë se është shokuar kur ka dëgjuar për këto raportime.

“Njerëzit mendojnë se Kylian ka ndryshuar, por jo. Dua të jem i rëndësishëm për skuadrën. Më është dhënë mundësia dhe jam duke pasur avantazh”

“Kur erdha në Paris nuk kishte diskutime, Neymar ishte ylli i skuadrës. Erdha për të ndihmuar. Pastaj fitova Kupën e Botës dhe dëgjova për spekulimet që thonë për rivalitet. Isha i shokuar kur dëgjova”

Mbappe këtë sezon ka qenë në formë të mirë dhe ka shënuar 18 gola derisa ka kontribuar me nëntë asistime në 19 paraqitje në të gjitha garat./arbresh.info.