Rikthimi i Maurizio Sarrit te Juventusi në Serie A mund të shtyhet për shkak se ish trajneri i Chelseas është diagnostikuar me pneumoni.

60-vjeçari mungoi në miqësoren e Juventusit ndaj Triestinas të shtunën si pasojë e disa simptomave të një gripi, transmeton portali arbresh.info. Ai u rikthye në kampin stërvitor të hënën por nuk ishte në gjendje të marrë pjesë në seancë për shkak të sëmundjes dhe ekzaminimet e tjera mjekësore kanë vendosur se Sarri vuan nga pneumonia.

“Maurizio Sarri, pas pushimit gjatë vikendit, ishte sot në JTC Continassa (kampi stërvitor i klubit) ku koordinoi punën me stafin e tij”, shkruan klubi në një deklaratë.

“Fatkeqësisht, ai nuk mund të kryente stërvitjet për shkak të gripit, të cilin e ka qenë i pranishëm tek ai edhe gjatë vikendit. Pasditen e kaluar, ai i është nënshtruar testeve të tjera që kanë konfirmuar se ka pneumoni, për të cilën i është përshkruar terapia”

“Trajneri ka autorizuar klubin për të komunikuar gjendjen e tij shëndetësore”

Sarri, i cili thuhet se pinë 60 cigare brenda ditës, ka marrë regjimin te Juventusi pas një sezoni te Chelsea ku përfundoi në vendin e tretë në Premierë Ligë./arbresh.info/