Barcelona ka njoftuar se Jeremy Mathieut i është dhënë drita e gjelbër për tu stërvitur te Sporting CP para largimit të pritshëm të tij nga klubi katalunas.

Mathieu bëri nga 12 paraqitje në dy sezonet e tij të fundit te Barcelona, por tani duket se nuk është pjesë e planeve të trajnerit të ri Ernesto Valverde, transmeton portali arbresh.info.

Barcelona konfirmoi sot (e shtunë) përmes një deklarate të shkurtë zyrtare se i ka lejuar 33-vjeçarit të stërvitet te Sporting CP para fillimit të sezonit të ri.

“Pas kësaj periudhe, tri palët e përfshira kanë marrë vendimin në të ardhmen e lojtarit francez”, shkruan Barcelona në deklaratën e lëshuar.

Paraqitje e fundit e Matheut te Barcelona ishte disfata 3 me 0 ndaj Juventusit në ndeshjen e parë çerekfinale në Ligë të Kampionëve./arbresh.info

[BREAKING NEWS] Official announcement on Jérémy Mathieu https://t.co/2aUZgJ6iSS #FCBlive pic.twitter.com/Tet5Rm58iD

— FC Barcelona (@FCBarcelona) July 1, 2017