Marquinhos nënshkruan kontratë të re te PSG

09:00 | 5 Korrik 2017
Arbresh Info

Shënjestra e Manchester United, Marquinhos ka zbuluar kënaqësinë e tij pas nënshkrimit të kontratës së re me gjigantin francez PSG.

23-vjeçari, i cili është kërkuar shumë për transferim në Old Trafford këtë verë, do të vazhdoj që bashku me Thiago Silvan qëndrimin në zemër të mbrojtjes të PSG-së pas vazhdimit të kontratës, transmeton portali arbresh.info.

“Jam shumë i lumtur për të vazhduar te PSG. Jam rikthyer te Parisi në një gjendje të mirë mendore”, tha mbrojtësi për ‘PSG TV’.

Ish ylli i Romas ishte subjekt i një oferte prej 60 milionë euro nga Manchester United derisa edhe Barcelona është thënë gjithashtu se ka kërkuar reprezentuesin brazilian.

“Më pëlqen jeta këtu dhe shokët e mi gjithashtu”, vazhdoi Marquinhos. “Jam i lumtur këtu. Tani jam i fokusuar në punë dhe për të bërë gjithçka që është e mundur për klubin. Shpresoj që do të shpenzojmë shumë vite së bashku”./arbresh.info