Ad Banner
Ad Banner
Ad Banner
Ad Banner

Manchester United do ta humbas një shumë të pabesueshme të parave nëse vendosin t’ia prishin kontratën Casemiros

08:31 | 23 Janar 2024
Rreze Sylhasi

Situata e Casemiros te Manchester United nuk është aspak e qartë me mbrojtësin brazilian që mund të largohet.

Duke marrë parasysh se te Djajtë e Kuq ka ndryshime edhe në klub, atëherë Casemiro nuk po bën pjesë në planet e skuadrës pasi është lojtari më i paguar, por edhe po lëndohet shumë dhe trajneri Ten Hag nuk po mund të llogarit në shërbimet e tij.

Daily Star ka raportuar se braziliani ka kontratë deri në verën e vitit 2026 me United dhe nuk ka blerës serioz.

Kësisoj për ta shmangur pagën e tij për dy vite e gjysmë të ardhshme, United është gati t’ia prish kontratën mesfushorit brazilian.

Por për ta bërë këtë gjë, United do të duhet të paguajë një shumë të majme në mënyrë që ta heqin qafe brazilianin.

Gjithnjë sipas Daily Star, Djajtë e Kuq do të duhet të paguajnë një kompensim prej 20 milionë eurove brazilianit në mënyrë që t’ia prishin kontratën.

Është një shumë e konsiderueshme e parave, megjithatë te United janë të vendosur të largojnë reprezentuesin brazilian nga Old Traford.

E ardhmja e tij mund të jetë në Arabinë Saudite ku disa skuadra kanë shprehur interesim për të. /Telegrafi/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm