Klubi anglez, Manchester City e ka kthyer vëmendjen te një prej talenteve më premtues në futbollin evropian: Desire Doue.

Sulmuesi i ri i Pairs Saint-Germain ka ngjallur një interes në rritje në mesin e drejtuesve sportivë të klubit anglez, të cilët tashmë kanë filluar të bëjnë lëvizje me synimin për ta sjellë atë në Etihad në afatit e ardhshëm kalimtar.

Pep Guardiola, i vetëdijshëm për potencialin e lojtarit, i cili është vetëm 19 vjeç, e sheh atë si një opsion real për të forcuar vijën sulmuese, veçanërisht për shkak të shkathtësisë dhe ekuilibrit të tij.

Sezoni i Doue ka qenë një vërtetë fantastik. Me numrat që e vendosin atë në mesin e lojtarëve të rinj më të mirë të kontinentit, francezi ka arritur të shkëlqejë si në ligë ashtu edhe në Evropë.

Aftësia e tij për t’u përshtatur me role të ndryshme sulmuese – nga krahu te mesfushori sulmues – e ka rritur vlerën e tij dhe City beson se ai do të përshtatej në mënyrë të përkryer në planin e lojës së Guardiolës.

Megjithatë, ata nuk janë vetëm në këtë garë. Manchester United, Arsenal dhe Chelsea po monitorojnë gjithashtu nga afër zhvillimin e lojtarit, megjithëse disa nga këto klube përballen me kufizime financiare që mund të komplikojnë aspiratat e tij.

Ndërkohë PSG nuk po mendon lehtësisht largimin e tij. I konsideruar si lojtar kyç në projektin e tij të ardhshëm, klubi francerz do të pranonte negociata vetëm për shuma afër 100 milionë euro.

Kontrata e Doue, e cila është e vlefshme deri në vitin 2029, forcon pozitën e klubit parisien, i cili nuk po nxiton ta shesë. Megjithatë, zyrtarët e Cityt janë të bindur se një propozim solid dhe një projekt tërheqës mund të hapë derën.

Tani për tani, gjithçka varet nëse ky admirim do të kthehet në një ofertë zyrtare që e bind PSG-në të ndahet nga perla e tyre më e re. /Telegrafi/