Qytetarët kanë vazhduar me super formë edhe në Ligë të Kampionëve.

Manchester City ka mposhtur Napolin me rezultat 2 me 1 në ndeshjen e zhvilluar si nikoqir në Etihad në kuadër të xhiros së tretë të Grupit F në UEFA Ligë të Kampionëve, shkruan portali arbresh.info.

Brenda vetëm 13 minutave lojë, skuadra e Pep Guardiolas arriti të realizoi dy golat që edhe i siguruan fitoren. Pas golit të epërsisë nga Raheem Sterling (9′), Gabriel Jesus dyfishoi epërsinë vetëm katër minuta më vonë.

Para se të mbyllej pjesa e parë e takimit, napolitanët kishin mundësi të ngushtonin epërsinë e nikoqirëve por Dries Mertens dështoi me goditjen nga pika e bardhë.

Megjithatë, një gabim të tillë nuk e bëri edhe Amadou Diawara në minutën e 73′ kur ekzekutoi penaltinë duke realizuar për 2 me 1.

Ndryshe, kjo është fitorja e parë e Manchester Cityt ndaj Napolit në këtë kompeticon, ku Qytetarët ishin mposhtur dy herë në dy takimet e mëparshme.

Gjiganti anglez tani qëndron në krye të grupit F me nëntë pikë, gjashtë më shumë se Napoli në pozitën e tretë dhe tri më shumë se Shakhtar Donetsk në pozitën e dytë./arbresh.info/

https://streamable.com/n5bor

https://streamable.com/cxcr1